AGRIPPA

I.

AGRIPPA

Augusti gener, navali victoriâ contra Sextum Pompeium insignis. Virg. Aen. l. 8. v. 682.

Parte alia ventis, et Diis Agrippa secundis

Arduus. ------ ------

Horat. l. 1. Od. 6.

Scribêris Vario fortis, et hostium

Victor, Maeonii carminis alite,

Quam rem cumque ferox, navibus, aut equis

Miles te duce gesserit.

Nos, Agrippa, neque haec dicere, etc.

II.

AGRIPPA

Furius Medullinus, ac Titus Quin. Capitolinus Barbatus Consules Romani; Aequos, Volscosque vicerunt.

III.

AGRIPPA

Furius Philo, Tribunus militum.

IV.

AGRIPPA

Latinum vocabulum est, dictum ab eo, quod aegros, i. e. difficiles partus faciat; Cui malo quô pactô obviam itum a Romanis, vide Plin. l. 7. c. 8. vel dicitur ille Agrippa, qui in nascendo prius emittir pedes. Gellius. l. 16. c. 16. Nonius c. 9. Plin. l. 7. c. 8. In pedes procedere nascentem contra naturam est, quô argumentô appellavêre Agrippas; ut aegre partos. At Salmas. summus, ac eruditissimus vir, et usu et orgine Graecum esse nomen, ἀπὸ τȏυ ἀγρεῖν καὶ ἵππος, Exercitationibus Plinianis ostendit. cum prius praenomen esset, quô priscis temporibus Regem Albanorum Agrippam Silvium primum; deinde Menenios et Furios usos esse constat; Sequentibus temporibus in cognomen transiit apud Romanos in Vipsaniorum, Asiniorum et Hateriorum familiis.

V.

AGRIPPA

M fil. Aristobuli, magni Herodis filii, a Tiberio Caesare coniectus in vincula, sed a Caio liberatus, Rex Iudaeae factus est, regnavitque ann. 7. Postea Claudius Caesar regnum eius confirmavit, omne Herodis imperium et Lysaniae adiciens; tetrachiam quoque Philippi Bethaniam Trachonitidem etc. Ioseph. Iud. Ant. l. 5. c. 4. Is Iacobum Apostolum gladiô interfecit, et Petrum in carcerem detrusit. Act. c. 12. v. 1. 2. Item Herodes Agrippa, secundus Galilaeorum tetrarcha, Herodis, primi Iudaeorum Regis, fil. qui CHRISTUM illusum remisit ad Pilarum Fil. defunctô Herode, Chalcidis Rex designatus est a Cl. Tiberio, A. M. 4011. Christi, 49. Vir prudens, Hebraee Latineque doctus. Berenices maritus, de quo in Actis Apostolorum. c. 26. v. 30. Vide infra, et Iuvenal. Sat. 6. v. 156.

---- Deinde adamas notissimus. et Berenices

In digito factus pretiosior: hunc dedit olim

Barbarus incestae, dedit bunc Agrippa sorori;

Observavant ubi festa mero pede sabbata reges,

Et vetus indulget senibus clementia porcis. Nie. Lloydius.

Accuratius ita: Agrippa I. Magnus, cognomine Herodes, fil. Aristobuli ex Berenice, Romam missus, paulo ante mortem Herodis Antipae, patrui sui, ingeniô et manu liberali, plurimorum in Tiberiana aula, Antoniae inprimis, quae Drusi uxor erat, animos sibi conciliavit. Sed quia supra sortem largus erat, sumptibus impar Româ discessit; quo cum postea reversus eslet, quod amicitiam cum iis, qui Tiberio suspecti erant, contraxislet; in vincula coniectus est. Inde a Caio Caligula liberatus, auream pro ferrea catenam accepit; quam, ut se gratum testaretur, in Templo Hierosolymitano appendit, et ditiones Philippi, concessu Imperatoris, occupavit. Accessêre postea, quae Herodes Antipas possederat, quibus Claudius Imperator Samariam Iudaeamque superaddidit, Ioseph. Ant. Iud. l. 18. et 19. Ut rem genti faceret gratam, S. Iacobum Apost. gladiô interfecit, et Petrum in carcerem detrusit, Act. c. 12. v. 1. 2. 3. Tandem, cum bellum meditaretur contra Sidonios Tyriosque, Caesareae, ab adulatore populo, honoribus divinis mactatus, cum minime refragaretur, neque gloriam Deo cederet, ab Angelo percussus, vermibus esca vivus factus est, A. C. 40.

VI.

AGRIPPA

Mathematicus sub Domitiano, in Bithynia, Lunam Pleiadibus iunctam observavit, 29. Nov. A. C. 92. Ptol. l. 7. c. 3. D. Haterius Agrippa, Consul cum Sulpitio Galba, A. C. 22. M. Asinius Agrippa Consul, cum C. Corn. Lentulo, A. C. 25. Vide et Marcus.

VII.

AGRIPPA

Philosophus Scepticus. Laert. l. 9.

VIII.

AGRIPPA

Vipsanius. Vide Vipsanius.

IX.

AGRIPPA

cognomentô Castoris, vir apprime doctus, contra 24. Basilidis haeretici volumina, quae contra Euangelia ille scripserat, acerrime disseruit. Hieronym.

X.

AGRIPPA

fil. Posthumus M. Vipsanii Agrippae, ab avo Augusto, in Planasiam Insulam relegatus, ibi Tiberii iussu, sublatus est, Tacit. l. 1. Annal. c. 3. Unus ex servis eius, herum se simulans, parum abfuit, quin ingentes turbas daret. Idem l. 2. c. 39.

XI.

AGRIPPA

hic ultimus Iudaeorum Rex a Vespasiano missus Romam, sententiam novi Principis de bello Iudaeorum sciscitatum. Postea creatô a legionibus Imperatore Vespasianô, per occultos suorum nuntios excitus ab urbe, ignarô adhuc Vitelliô, celeri navigatione properavit. Sub hoc Hierosolyma excisa, ille Tito et Vespasiano honoratus, Romae obiit. A. C. 100. Egesipp. . 4. c. 21. Tacit. l. 2. Hist. c. 81. Ioseph. Iud. Antiq. l. 20. de Bello l. 2. et 3. Nic. Lloydius. Latius ita: Agrippa II. fil. Herodis Agrippae, ultimus Iudaeorum Rex succeslit Patti annô aetat. 17. sub cutela Cuspii Fadii, ei a Claudio Imperatore additi, a quo Chalcidem quoque nactus est, A. M. 4011. A. C. 49. cui postea alias quatuor urbes Nero adiecit. Vir fuit prudens, Hebraee Latineque doctus, maritus Berenices, de qua Iuvenal. sat. 6. v. 156. Cum hac Caesaream venit, ut S. Paulum Apost. qui ibi captivus detinebatur, videret audiretque, Actor. c. 25. v. 13. Postea, ob lenitatem suam, in tantum suae gentis pervenit odium, ut lapidibus in eum coniectis illum pellerent, postquam futuras calamitates praesagâ mente illis praenuntiâsset. Romam itaque delatus cum uxore, Vespasiani consiliô, sententiam novi Principis de bello Iudaeorum sciscitatus est. Postea, creatô a legionibus Imperatore Vespasianô, per occultos suorum nuntios excitus ex urbe, ignarô adhuc Vitelliô, celeri navigatione ad Vespasianum se recepit. Sub eo Hierosolyma excisa; ipse Tito et Vespasiano honoratus, Romae obiit; post excidium Urbis an. 30. A. C. 100. Vide Ioseph. Ant. Iud. l. 20. Belli Iud. l. 2. et 3. Egesippum l. 4. c. 21. Tacit. Histor. l. 2. c. 81. Dion. etc.

XII.

AGRIPPA

vide Iulius.